humor tentang becak

Ableh si tukang becak

Isuk-isuk Ableh wis mruput mancal becak golek penumpang. Mari ngono oleh penumpang cewek uayu ambune wangi rambute teles mari kramas, Ableh sueneng poll.
"Arep nang endhi Ning ?" jare Ableh.
"Nang Slompretan mbah . ." jare ceweke.
"Waduh gak weruh aku nggone ning . ." jare Ableh.
"Wis mbah pokoke sampeyan mancal ae nurut komandoku . ." jare ceweke.
"Oke boss . . " jare Ableh ambek mbukak terpal becake, karepe ben iso ngrasakno mambu wangi rambute cewek iku.
"Kiri mbah . ." Ableh nurut menggok kiwo.
"Kanan mbah . ." Ableh nurut menggok kanan.
"Kanan maneh . ." Ableh nurut.
"Kiri ." "Kanan . ." "Kenceng ae mbah .." "Kanan maneh . .terus kiri "
Ableh nurut ae sing penting iso ndelok gegere ceweke ayu iku.

"Wis stop kene ae Mbah !!" moro-moro ceweke mbengok ambek ngekeki dhuwik limang ewu. Tapi Ableh malah nuangis mbrebes mili.
"Lho opoko mbah, kurang tah, iki lho tak tambahi maneh ." jare ceweke ambek ngekeki dhuwik sepuluh ewu. Ableh sik nuangis ae.
"Sepurane yo mbah, sik kurang tah, iki lho tak tambahi maneh . ." jare ceweke ambek ngekeki dhuwik seket ewu. Ableh sik nuangis ae. Tambah banter nangise.
"Waduh mbah sampeyan njaluk piro ? Age ngomongo." ceweke bingung.
"Ning aku nuangis gak perkoro dhuwike kurang . ." jare Ableh.
"Lho opoko mbah ?" jare ceweke.
"Aku lali dalane mulih . . ."